السلام عليكم
مسيكم / صبحكم الله بالخير
انشاالله انكم طيبين ومستانسين
المهم مالكم بالطويله ابخش بالموضوع على طول...........
موضوعي الله يسلمكم اني انا واحد من مجموعة شباب وكلنا ولله الحمد مثل الاشقاء يعني مابيننا شي وكل الشباب متزوجين الا انا لاسه عزوبي وكل واحد يعطي الثاني من علومه الشاهد الله يسلمكم ان فيه واحد من الشباب بعد زواجه وبعد شهر العسل بدا يسير علينا بالاستراحه ونجلس جلسه عاديه مثل العاده واذا دق عليه الجوال طلع برى ويتاخر مايرجع وحنا ماندري وش السالفه ويوم من الايام صفت الاستراحه علي انا والرجال يعني مافيه بالاستراحه الا انا والرجال بس ودق عليه الجوال والرجال ماطلع برى لانه يمون علي وبدا يكلم بالجوال وانا عنده وطلعت اللي تكلمه زوجته تعطيه من الكلام الحلو ويعطيه من الكلام الحلو الله يوفقهم وتساله وين انت وش سويت عساك بخير ومن الكلام علمآ إن الرجال توه جاي من زوجته ويطول بالكلام مع زوجته بالجوال يعني الصراحه استغربت من الوضع( بحكم اني عزوبي ومادري عن الشي هذا) المهم يوم خلص الرجال من المكالمه قال تصدق يافهد إن زوجتي لطلعت من البيت او حطيته عند اهله او اهلي تكلمن بالجوال اكثر من انه تكلمن بالطبيعه وانا توي متزوج ولا ودي ا*ر خاطرها والمشكله اني اصيير عنده ماتكلمن مثل ماتكلمن بالجوال وانا ماليت من الشي هذا كل ماجيت للاستراحه دقت علي واطلع برى وعجزت اجلس معكم من غير فواتير الجوال
الصراحه انا قلتله ياخي صراحها وقلها ان متضايق من الشي وخل كلامه لرحت للبيت وقله عن مصاريف الجوال
المهم الرجال شكله صارح زوجته وكلمها عن الموضوع وبدت الزوجه ماتتصل عليه الا للاشياء العاديه وبدت لاتصلت على الزوج ماطول عليه وارتاح الرجال
وهذا الله يسلمكم واحد ثاني من الشباب بعد زواجه بشهر تقريبآ سافرت ان والرجال للرياض عندنا شغل ضروري
والله العظيم اول ماطلعنا من مدينتا متجهين للرياض وتتصل عليه زوجته وهو لاسه طالع منها وتبدأ تسال هاها وش صار عليكم وين وصلتوا والله اشتقتلك وهو يرد عليه وانا اشتقتلك ومن الكلام وانا لك الله ضايع بالطوشه بعدين تخلص المكالمه وبعد نصف ساعه او ساعه تتصل عليه مره ثانيه ويبدا يسولف هو واياه وهو قبل ساعه او اقل مكلمها من غير اتصالات الليل ومن بكره اتصلت عليه وش تعشيتوا وش صار على شغلكم متى تخلصون شغلكم وباخر المكالمه يبدون بالكلام الحنان وزوجة الرجال مثل زوجة صاحبنا الاولاني تحب تسولف وتعطي الكلام بالجوال اعرفوا ان الرجال يقول فاتورة جوال زوجتي تجي اكثر من فاتورتي..........................................
هذا الله يسلمكم موضوعي نجي للسوال الحين
سوالي .. هل اكثر الزوجات يرغبن او يحبن الكلام المعسول والحنان مع الزوج بالجوال اكثر من الطبيعه؟
او بمعنى اخر هل يحبن ممارسة نوع من الرومانسيه والجنس عن طريق الجوال؟
ختامآ اعذرون على الاطاله لاني ماعرف اختصر وعلى الاسئله لاني اجهل هذا الشي بحكم اني عزوبي ولا اريد ان اتعمق بالاسئله مع اصحابي الخاصه بحياتهم العائليه
وشكرآآآآآآآآآ
[url=http://a.tribalfusion.com/h.click/aEmyQ8orFxRbZbtYaQy4qfi4qYRoEnCYbJfUWnSmmrLpGYnptvA5EQ75dan4A7JmUrZd0GnYYVY30VvxpT743FY5TF7ZaW6vTQqrYQsnMQHUO0dBpV6ny4s3U0bFLTAmr46MgPmjK4TQEaDN7LN/http://a.tribalfusion.com][img(1,1)]
http://cdn5.tribalfusion.com/media/37536.gif[/img][/url]
الأحد ديسمبر 14, 2014 12:31 pm من طرف 
